Mae'r Celtic Freeport wedi cyhoeddi heddiw benodiad Cathy Hall yn Brif Weithredwr Dros Dro, wrth i'r rhaglen symud ymlaen i'w cham nesaf o'i chyflawni.
Mae gan Cathy brofiad sylweddol a dealltwriaeth gref o'r Porthladd Rhydd, gan ei bod eisoes wedi chwarae rhan allweddol yn ei ddatblygiad. Ochr yn ochr â'i swydd yn Associated British Ports, mae hi wedi cefnogi cerrig milltir pwysig, gan gynnwys llofnodi'r Memorandwm Cyd-ddealltwriaeth yn llwyddiannus gyda Llywodraeth y DU a Llywodraeth Cymru.
Mae ei phenodiad yn darparu parhad ac arweinyddiaeth ar adeg hollbwysig, wrth i'r Celtic Freeport adeiladu momentwm a datblygu ei gynlluniau i sbarduno buddsoddiad, arloesedd a thwf economaidd ar draws y rhanbarth.
Dywedodd Dr Chris Martin OBE MStJ DL, Cadeirydd Dros Dro’r Celtic Freeport : “ Mae Cathy wedi bod yn ymwneud yn agos â thaith y Freeport hyd yn hyn ac mae’n dod â phrofiad a mewnwelediad i’r rôl hon. Mae hi’n deall maint ein huchelgais a’r cyfle sydd o’n blaenau. Wrth i ni symud ymlaen i gyflawni, bydd ei harweinyddiaeth yn allweddol i gynnal momentwm a sicrhau ein bod yn trosi cynlluniau’n effaith wirioneddol. Mae’r Bwrdd wrth ei fodd yn ei chroesawu fel Prif Weithredwr Dros Dro .”
