- Bydd tri thyrbin gwynt newydd ar y tir, a gaiff eu hintegreiddio gyda’r fferm solar bresennol, yn creu cannoedd o swyddi adeiladu ac yn cael gwared ag oddeutu 11,500 tunnell o allyriadau carbon bob blwyddyn.
- O fis Medi 2025, bydd cronfa gymunedol bwrpasol yn ategu cyfleoedd uwchsgilio ac yn cynnig cymorthdaliadau ynni i drigolion Waterston, Llanudwal a Blackbridge.
Mae Dragon Energy wedi cael caniatâd cynllunio i osod tri thyrbin gwynt yn ei Barc Ynni Adnewyddadwy yn Waterston, gan ategu’r 18,500 o baneli solar sydd yno eisoes.
Nod y fenter hon yw lleihau allyriadau cyffredinol a chamu ymlaen ag amcanion datgarboneiddio’r cwmni.
Rhagwelir y bydd y tyrbinau newydd ar waith erbyn pedwerydd chwarter 2026.
Ar y cyd â chymunedau lleol, mae Dragon Energy wedi sefydlu cronfa budd cymunedol, a fydd yn dechrau ochr yn ochr â’r gweithrediadau masnachol.Bydd trydan glân dros ben yn cael ei allforio i’r grid lleol pan fydd y galw’n isel ar y safle.
Yn ôl Luciana Ciubotariu, Prif Swyddog Gweithredol y Porthladd Rhydd Celtaidd: “Mae’r Porthladd Rhydd Celtaidd yn croesawu ymrwymiad Dragon Energy i ymestyn capasiti adnewyddadwy ym Mharc Ynni Adnewyddadwy Waterston gyda thri thyrbin gwynt newydd, gan atgyfnerthu rôl y rhanbarth o ran pontio tuag at ynni gwyrdd yn y DU. Yn ogystal â gwella’r arfer o gynhyrchu ynni glân yn lleol, bydd y prosiect hwn yn esgor ar fuddion parhaol i gymunedau a bydd hefyd yn ategu ymdrechion i ddatgarboneiddio.”
Llun: Dragon Renewables
