Mae’r Porthladd Rhydd Celtaidd wedi croesawu cyhoeddiad Llywodraeth y DU sy’n datgan bod Hydrogen Gwyrdd Penfro 1 ymhlith y 27 prosiect ar y rhestr fer ar gyfer yr ail Rownd Dyrannu Hydrogen (HAR2).
Mae HAR2 yn cynorthwyo cynhyrchiad hydrogen carbon-isel drwy gontractau refeniw 15 mlynedd dan Fodel Busnes Cynhyrchu Hydrogen y DU.
Mae hydrogen yn allweddol i ddarparu ynni glân ledled y DU a datgarboneiddio diwydiannau ag allyriadau mawr, yn arbennig mewn rhanbarthau fel De Cymru.
Dywedodd Prif Weithredwr y Porthladd Rhydd Celtaidd: “Mae rhestr fer RWE yn gam sylweddol arall tuag at wireddu ein gweledigaeth am economi hydrogen llewyrchus yn y Porthladd Rhydd Celtaidd.”
Cynhyrchir hydrogen gwyrdd gan ddefnyddio ynni adnewyddadwy i ddadelfennu dŵr yn hydrogen ac ocsigen, gan greu tanwydd carbon sero i gynhyrchu pŵer, ac ar gyfer trafnidiaeth a defnydd diwydiannol.
