Mae’r Porthladd Rhydd Celtaidd yn croesawu cyhoeddi Strategaeth Ddiwydiannol y DU , sy’n amlinellu cefnogaeth wedi’i thargedu ar gyfer wyth sector twf a diwydiannau trawsffiniol allweddol megis dal carbon, hydrogen, ffermydd gwynt alltraeth arnofiol (FLOW), galluoedd batri ac amddiffyn morwrol.
Mae prif ymrwymiadau yn cynnwys ‘Gwasanaeth Cyflymu Cysylltiadau’, costau trydan is a mynediad cyflymach at y grid ar gyfer porthladdoedd a llwybr dosbarthiad tymor hir ar gyfer ynni gwynt alltraeth, ochr yn ochr â chreu Parthau Strategaeth Ddiwydiannol, a chan ddwyn ynghyd Borthladdoedd Rhydd a Pharthau Buddsoddiad gyda ffocws o’r newydd ar dwf yn seiliedig ar lefydd.
“Mae Celtic Freeport yn croesawu Strategaeth Ddiwydiannol y DU, yn dilyn dyraniadau cyllideb a chyhoeddiadau diweddar am ynni adnewyddadwy – cyfnod o fomentwm cynyddol.
“Wrth i sylfaen ddiwydiannol De Cymru esblygu, mae’r strategaeth hon yn cefnogi sectorau sy’n dod i’r amlwg a sectorau sefydledig ac rydym wrth ein bodd yn gweld ffocws newydd ar ddatblygiad rhanbarthol a lleoliad-seiliedig gyda buddsoddiadau ychwanegol wedi’u hymrwymo.
“Gyda gweithlu medrus cryf, asedau arloesi a seilwaith o’r radd flaenaf, mae tîm Celtic Freeport a’i bartneriaid yn barod i barhau i gefnogi clwstwr diwydiannol llewyrchus yng Nghymru ,” dywedodd Luciana Ciubotariu, Prif Weithredwr y Porthladd Rhydd Celtaidd.
