Mae Cymdeithas Porthladdoedd Prydain wedi datgelu menter o’r enw ‘Port Talbot y Dyfodol’, sy’n anelu at drawsnewid y porthladd a’i droi’n hwb ar gyfer datblygu gwynt alltraeth arnofiol ac ynni gwyrdd.
Ac yntau â statws safle treth y Porthladd Rhydd Celtaidd, mae tir datblygu a harbwr dwfn naturiol y porthladd yn ei wneud yn ddelfrydol ar gyfer y trawsnewid hwn, a’r bwriad yw cynhyrchu hydrogen, dal carbon ac adeiladu prosiectau gwynt ar y tir.
Ar hyn o bryd, mae Cymdeithas Porthladdoedd Prydain yn mynd i’r afael â gwaith cynllunio meistr technegol i archwilio sut y gellir ailffurfweddu’r porthladd i ategu gwynt alltraeth arnofiol a chynorthwyo i ddatgarboneiddio diwydiannau De Cymru.
Maes o law, mae Cymdeithas Porthladdoedd Prydain yn bwriadu cynnal ymgynghoriad a chyflwyno ceisiadau cynllunio er mwyn gallu darparu gwynt alltraeth arnofiol mewn da bryd.
Trwy gydweithredu â datblygwyr, bydd modd sicrhau bod y porthladd yn cyd-fynd ag amserlen Rownd 5 Prydlesu Ystad y Goron, gan anelu at fod yn barod erbyn diwedd y degawd.
Gyda mwy na £500 miliwn o fuddsoddiadau arfaethedig, gallai’r prosiect esgor ar £1 biliwn o effaith economaidd, gan greu miloedd o swyddi a sefydlu Port Talbot fel hwb ynni gwyrdd o fri.
Gellir cael rhagor o wybodaeth yma: https://www.abports.co.uk/porthladdoedd-y-dyfodol-port-talbot/
Llun: ABPorts
