- Cyfleuster hydrogen gwyrdd mawr cyntaf Cymru yn cael caniatâd cynllunio, gan roi hwb mawr i’r gwaith o gyflawni targed y DU, sef cynhyrchu 10 GW o hydrogen gwyrdd erbyn 2030.
- Disgwylir i’r fenter leihau allyriadau carbon oddeutu 93,000 tunnell y flwyddyn – mae hyn yn cyfateb i dynnu 18,600 o geir oddi ar y ffyrdd bob blwyddyn.
Mae RWE, sef cwmni cynhyrchu ynni mwyaf Cymru, wedi cael caniatâd cynllunio llawn ar gyfer ei safle Hydrogen Gwyrdd wrth ymyl Gorsaf Bŵer Penfro.
Bydd y safle’n defnyddio peiriant electrolysis100-110 MW i gynhyrchu oddeutu dwy dunnell o hydrogen gwyrdd bob awr.
Lleolir y cyfleuster mewn man strategol wrth ymyl Gorsaf Bŵer Penfro, a bydd yn cynnwys cysylltiad uniongyrchol trwy gyfrwng piblinell â diwydiannau gerllaw.
Yn ôl Luciana Ciubotariu, Prif Swyddog Gweithredol y Porthladd Rhydd Celtaidd: “Mae Canolfan Sero Net Penfro yn cyd-fynd â’r weledigaeth ar gyfer y Porthladd Rhydd Celtaidd, gan atgyfnerthu treftadaeth ynni Sir Benfro a chan sbarduno arloesi. Trwy ddiogelu swyddi presennol a chreu swyddi newydd, yn ystod y cyfnod adeiladu a’r cyfnod gweithredol, bydd y prosiect yn cryfhau’r economi leol ac yn cynorthwyo’r rhanbarth i bontio tuag at ddyfodol carbon isel.”
Llun: RWE, Cymru
